“Gizateriaren azken eguna” deitu genezakeena iritsi da. Hauxe da duela 50 urte gure planetan pausatu ziren “Las Rocas” izeneko egitura erraldoiek iradokitzen dutena. Lortu ahalko du Sam, 2058ko bideo artista gazteak, galdutako Lisa maitea amaiera aurretiko orduetan aurkitu?

Hotzak zernahi zailtzen du beti.

Ama batek eskutitz bat idazten dio Paul Auster-i…

Iraganeko traumak ahaztu asmoz, Peter sotora jaitsiko da. Bitartean, zarata arraroak entzuten dira sukaldean.

Oscar sarietarako proposatua izan den “Guard Dog” laburmetraiaren bigarren sekuela. Oraingo honetan, gure txakur ausart “heroia” suhiltzaileekin hasiko da lanean, eta ohi bezala, nahaspila sortuko da…

Esnatzean, kristalezko kutxa misteriotsu batean dagoenaz ohartuko da gizon bat. Apurka-apurka, bere inguru berrira egokitu eta ez dela kartzela bitxi horretan preso dagoen lehena jakingo du.

Suntsitua izango den eraikin abandonatu batean daude bi gizon. Bata graffitiz beteriko ormak botatzeko dago eta besteak ordea, salbatu egin nahi ditu, batez ere, beretzako esanahi handia daukan haietako bat.

Garaiak goibelak dira, agintariek konfinamendua agindu dute…Basoa, gaua. Gizon bat atzetik doakion neska gazte bat basetxe bakarti batean gordeko da. Etxeko atso-agure bikotea armaturik dabilen erasotzaileari aurre egiteko prestatuko da…

Roger eta Molly bikote edadetua da eta haien bizitza hankaz gora jarriko da Roger sabaian bizitzen hasiko denean.Denetarik egingo dute handik jaisteko, baina, apurka-apurka, egoera berrira egokituko dira. Orain, Roger goian bizi da eta Molly…

Oinetako ortopedikoak daramatzan haur batek etxetik ihes egitea erabakiko du. Inguruko mundua ehundu eta desehuntzen dituzten zuntzez beteriko zoladurako zulo batean nahasiko da ihesean.

Tom-i ez dio neurriak axola, batez ere benetako maitasuna iristen denean. Baina, Françoise, bere ametsetako neskarentzat, arazoa izan daiteke… Tom-en altueran ez badago, haren lagunak bera egokitzen saia daitezke.

Neska gazte erakargarria eta klase oneko Allen bikote xarmangarriaren umezain berria da Lauren. Seme-alaba zoragarriak zaintzeko Laurenengan daukaten konfiantzari esker, afaltzera aterako da gau horretan bikotea.

Gizon misteriotsu bi elkarri jarraitzen ari dira indarkeriaz, harik eta haien benetako jatorriaz jabetzen diren arte.

Ezkutuan bizi den gizon-oreina da Amaury Athanam. Ez du bere itxura jasaten eta amaiera jarri nahi dio bere bizitza etsigarriari. Bere buruaz beste egiteko ausardiarik ez duenez, hiltzaile bat kontratatuko du. Baina Amauryk, orein burua daukan Corazon neska gazte xarmanta ezagutu eta harekin maiteminduko da.

Badira ezagutzen diren gauzak eta baita ezagutzen ez direnak ere. Hauetako bat esplorazioa da.