Europa Ekialdeko herrixka batean ur eskasiak eta bat bateko sexuen arteko gudak arriskutan jarrito du bikote gazte baten harremana. Izugarrizko irudimen eta dibertsioa Kusturica, Jeunet, Javier Fesser eta Check Jones-en sentsibilitateak nahasten ditu.

Argentinan zehar bidaiatzen ari diren espainiar anaia bik, euren familiaren sekreturik goibelenekin zerikusi handia daukaten iraganeko gertakarietara bideratuko dituen egunkari bat aurkituko dute. Azken urteetako beldurrezko espainiar filmik interesgarrienetakoa eta etorkizun handiko zuzendari gazte baten debut bikaina.

Benetan maiteminduta dagoen bikote bat eguneroko bizimoduari ihes egiten saiatuko da dantza lehiaketetan parte hartuz. Istripu baten ondorioz, erabat okertuko da beren bizitza. Ia perfektua dugu Cannes-eko azken zinemaldiko bitxi poetiko, dibertigarri eta fantasia hunkigarri hau. El iceberg bikainaren autoreek idatzi, zuzendu eta antzeztua.

Epe laburreko etorkizunean, munduak mugez banaturik jarraitzen du, baina konexio digitalez loturik. Mexikar herrixka batean bizi den Memok, inguruan zaintza lanak egiten dituen poliziari egingo die aurre. Sundancen Gidoi Onenaren Saria eta Berlinen Nazioarteko Amnistiaren epaimahaiaren sariak jaso dituen film independente eta harrigarri honek, fantasia eta gizarte alorreko kritika biltzen ditu.

Ilunaldi baten ostean, itxuraz oso lasaia den hiri batera bidaliko dute polizia goibel bat. Berehala aurkituko ditu desagerpen arraro eta kode sekretuak. Lynch eta Coen-i egindako erantzun daniar hau umore beltzez osatutako kafkiar amesgaizto bitxia dugu. Gidoi Onenaren Saria Valladolideko Zinemaldian eta Aipamen Berezia Karlovy Vary-n.

1959an jaio eta The Eternal Winter (1989) laburmetraiarekin egin zuen debuta. Zenbait dokumental egin ondoren, Bror min bror laburmetraia 2000ko Oscarretarako aukeratuen artean egon zen. Telebistarako hainbat saio ospetsu zuzendu zituen. En som hodder (2003) luzemetraiak zenbait sari jaso zituen. Kinamand-ek (2005) ere oso harrera hona izan zuen. Joan den urrian Danimarkan estrainatua, Terrible Happy munduan zeharreko hainbat zinemalditan ikus daiteke egun.

Emakume batek, dokumental bateko irudietan, bizirik ikusi duela uste du tsunami izugarrian desagertutako seme txikia, eta haren bila arituko da senarrarekin batera. Birmaiako oihanean galdurik, naturaz gaindiko gertakariei egin beharko diete aurre. Ikusmen alorreko indar handiko beldurrezko film erakargarri honetan oso lan bikaina egiten du Emmanuelle Béartek.